اقترااااح جديد لمشتركى فرع اوريفليم المعادى

[b]انا كان عندى اقتراح
ممكن كل الناس الى مشتركين ف نفس الفرع يتعرفو على بعض و يقولو لبعض اى اخر اخبار الفرع الى هما مشتركين فية....
الى اقصدو ان يكون فى تفاعل بين اعضاء نفس الفرع و يعرفو اى الجديد..اى بيحصل ف كل فرع
يعنى مثلا اى المنتجات الى مش موجودة و لو حد عايز حاجة كانت ف كتالوج قديم و خلصت ممكن نوفرها لبعض و كدة يعنى....

عموما انا فرع المعادى و دا اول موضوع ليا......و ربنا يستر.....
بس انا فعلا احب انى اتعرف على الناس الى سكنين قريب منى و مشتركين ف نفس الفرع بتاعى...... Embarassed

[/b]

طيب انا واحدة من الناس بطلب بالتليفون يبقى انا اى فرع بقى

ازيك يا لومى

انا فرع المعادى وارحب بصدفتك جدا

وبالاقتراح اللذيذ ده

وممكن كمان نتفق فى يوم ونكون كلنا فى الفرع ونتعرف على بعض
ونشوف لو احنا عايزين حاجه من بعض

مستنيه بقيه اعضاء فرع المعادى ينورنا

وبقيه فروع الشركه برضه يعملوا كده هاتبيقى بجد حلوه قوى

اهلا بيكى يا منال

بجد انا مبسوطة اوى انك فرع المعادى

و بجد هتكون حلوة اوى لو اتفقنا و عرفنا نشوف بعض هناك
وهتكون حلوة اوى كمان لو شفنا بعض فى الايام المفتوحة للفرع......

عموما انا لسا كنت هناك انهاردة.... و كلام ف سرك كدة ( فى منتجات كتير ناقصة)
و خصوصا الصفحة الى عليها ال 50% خصم

و مستنيين بقية اعضاء فرع المعادى,,,,, santa

اه هما لحقوا اشتغلوا فى الحجز
ده لسه امبارح اول يوم

بصراحه اكتر حاجه بضايقنى حكايه المنتجات خلصت دى
وانا سالت مياده وقالتلى ان المنتجات اللى بتبقى عليها حتى نفاذ الكميه فى الغالب مش بتنزل تانى
يعنى يا تلحق يا ماتلحقتش

وانا لما اعمل الاوردر هابعتللى انا هانزل امته على الخاص ونتقابل
كل ينه وانتى طيبه يا قمر

مهى بجد حاجة تخنق اووووى ان كل ما نطلب حاجة يقولو خلصت

انهاردة كان المفروض اعمل اوردر يدينى 100 نقطة على طول ..... تخيلى ادانى 40 بس من كتر الحاجة مش موجودة مش موجودة...... Sad

و هى على رئيك يا تلحق يا متلحقش و فى الغالب مبنلحقش.......

و انا هستنى منك رسالة على الخاص و نتقابل ان شاء الله

و كل سنة و انتى طيبة و ان شاء الله سنة سعيدة عليكى

يا بنات
المنتجات اللى بيكون عليها خصومات 50% ولحد نفاذ الكمية
ديما مش موجودة الا بالنادر اووووووووووى
غير انها بتكون منتجات منعت من الكتالوج يعنى بتكون اخر ظهور ليها فعشان كده
لما بينزل عليها عرض حتى نفاذ الكمية بيكون فى الغالب مش موجودة نهائى
انا مرة واحدة بالصدفة بالصدفة وكان اول الشهر
لقيت ملمع الشفاه KISS PROOF LIPS
ده لقيته بالصدفة بس ما اقولك طلع روعة روعة روعة
وخسارة انه فعلا انتهىء من الكتالوج وكان اخر ظهور ليه قبل ما اشترك
لكن لقيته فى الخصومات ال50%
وسالت عليه تانى مرة لقيته بحححححححححححح
فعشان كده صعب اوى انك ممكن تلاقى منتجات من نوعية لحد نفاذ الكمية

انا عملت الاوردر النهادرة والحمدلله لقيت كل اللى محتاجه ومنه المنتجات الجديدة
ودى اللى كنت خايفة ما القه بس الحمدلله لقيتها

بس برده محديش رد على استفسارى
اللى بيطلبه بالتليفون دول بيكونه تبع اى فرع
فرع الشركة الاصلى فى مصر الجديدة والا لا والا عشان بالتليفون بيتحوله لاى فرع

بصراحة انا معرفش
بس يا ريت لو حد يعرف يقول...........

معنى كدة يا سجود ان الحاجة الى بتنزل ف خصم ال 50% بلاش نفكر اننا نطلب منها اصلا.......... Sad

((وغير انها بتكون منتجات منعت من الكتالوج يعنى بتكون اخر ظهور ليها فعشان كده
لما بينزل عليها عرض حتى نفاذ الكمية بيكون فى الغالب مش موجودة نهائى))
طب نعرف منين المنتجات الى ممكن بعد فترة متنزلش تانى فى الكتالوج ؟؟؟؟؟؟؟؟؟ يعنى بيكون مكتوب مثلا انها مش هتنزل تانى و لا اى.....

و ميرسى ليكى على اهتمامك و ردك و يا رب حد يقولك الى انتى عايزة تعرفية........ :)

زائر

السلام عليكم بالنسبه للمنتجات اللي مش حتظهر تاني في الكتالوج بيتكتب جنبها في الكتالوج (آخر ظهور في الكتالوج وبيرسموا جنبها منبه)
اما بالنسبه للي بيطلبوا بالتليفون فهم تبع المركز الرئيسي في مصر الجديدة
وعموما اللي مشترك في اي فرع من فروع اوريفليم ممكن يروح اي فرع من فروع الشركه ويعمل طلبياته او استفسارته منه لأن العبره والتعامل برقم الكود مش بفرع تسجيل العضويه

ميرسى اووووووووووووى يا ا/علاء على ردك و بعد كدة هاخد بالى من المنتجات الى بيتكتب جمبها اخر ظهور عشان لو بستخدمها اشترى منها قبل ما تخلص.......

انا فى الغالب بقيت مش ببص على المنتجات اللى عليها علامه المنبه وكمان اللى عليها خصم بنصف الثمن
بس الحمد للله الحاجات اللى هاشتريها كلها عليها خصم ولكن مش ال50 فى الميه
كتالوج ديسمبر كنت عايزه منه حاجات كتير وضورريه جدا ليا

روحت الساعه 12 الفرع هناك بالمعادى وكان اول يوم للبروموشن قولت بقه مش هلاقى حد وهاخلص على طول قعدت لحد الساعه 2.30
كانت زحمه موت
تقريبا كل الناس بتجيب الاورد فى اول يوم علشان تلحق واللى يتاخر يبقى خلاص راحت عليه
وخصوصا المنتجات اللى بيكون عليها خصم 30فى الميه او هدايه

وانا عن قريب هانزل الفرع هابعتللك يا لومى وهناك ان شا ءالله

ميرسى جدا استاذ علاء
جزاك الله خيرا

لو مانزلتش تانى فى البرموشن عليها خصم
هابعتللك انا بس مش عايزه اتعبك معايا

شكرا على مساعدتك
ربنا يجعله فى ميزان حسناتك

دا العادى ف فرع المعادى و انا اتعودت على كدة
كل مرة احاول اكون هناك بدرى على امل انى اخلص بدرى اقعد كتيييير اوى

بس ميادة هناك قلتلى لو عايزة تيجى و يكون مفيش حد تعالى بليل و هما موجودين لحد الساعة 11 الا ربع ف الشتا يعنى قلتلى لو جيتى الساعة 10 كدة هتخلصى و تمشى على طول
بس بصراحة صعب الواحد ينزل بليل كدة ف الشتا

وانا هستنى منك رسالة يا منال تقوليلى هتنزلى الفرع امتى و نشوف بعض ان شاء الله

انا عايزة اشوف العروض الى فيها الخصمات

اهلا بيكم انا كمان تبع فرع المعادى وياريت يكون فعلا متعونين مع بعض واحب ان انضم لصدقتكم
ياريت نعمل ميعاد ونتقابل هناك ونتعرف على بعض ولو فى حد هيروح احتفال الاطفال يقول علشان نتعرف هناك على بعض انا هبقى موجوده انا معايا كريم عنده 5شهور

هااااااااااااى يا بنات انا كمان فرع المعادى والفكره حلوه اقترااااح جديد لمشتركى فرع اوريفليم المعادى 70634

انا كمان فرع المعادى الفكرة تجنن وانا ساكنة فى العباسية ياريت كل واحدة تبع فرع المعادى تبعن لنا وتعرفنا هى ساكنة فين لاننا ممكن نحتاج بعض والى ينزل الشركة يجيب لنا الاخبار وممكن كمان لو اتنين ساكنين جنب بعض يجمعوا الوردر بتاعهم على فاتورة واحدة وطبعا كلنا بنجيب حاجات علشان نقفل نقط وممكن اللى يحتاج حاجة ومش لاقيها فى الشركة ياخدها من حد قريب منة وبسعر الشركة وكدة هنترحم من الحجوزات ونريح العملاء من كلمة لسة الحاجة مجتش

هي فكره حلوه يا ألفت
بس انا وناس كتير عرضناها قبل كده
بس القائمين علي المنتدي قالو ان تبادل المنتجات لازم يكون من خلالهم وانهم حيظبطو الفكره دي ويحطولها قواعد
واحنا لسه مستنيين نشوف ايه اللي حيتم في الموضوع ده

اقترااااح جديد لمشتركى فرع اوريفليم المعادى 155873

السلام عليكن
انا كمان فر ع المعادى وساكنة فى حدائق المعادى حلوة الفكرة
مدام رشا قالتلى إن فى اجتماع او محاضرة مش فاكرة بالظبط فى الفرع يوم السبت القادم 16\10 من الساعة 4الى 5 هتكو ن عن الشركة ياريت نتأكد من مدام رشا ونتقابل هناك ان شاء الله
لو سمحتم حد يعرف رقم تليفون فرع المعادى

سبحان الله وبحمده سبحان الله العظيم

السلام عليكم لك الموجودين
انا كما حبيت الفكرة وياريت كل واحدة تقول رايحة امتى عشان نعرف
انا ان شاء الله احتمال كبير اروح انهاردة مع انى رحت اول يوم
اتمنى ارى احد منكن هناك