منتجات ناقصة ف فرع المعادى

يا جماعة انا رحت اعمل اوردر و لقيت حاجات كتير مش موجودة
مثلا صفحة 12 الى فيها الروج دى كلها مش موجودة
و الصفحة بتاعت منتجات جيوردانى( ظل الجفون الحبيبات و الفرشاه) مش موجودة
وكريم القدم الى بالقرفة مش موجود................
وكمان هدية برنامج الترحيب الشهر الثالت الى هى طقم البيركس بردو مش موجودة
يا ريت لو حد راح و عمل اوردر و كان طالب حاجة من دول و لقاها يقولى عشان اروح اكمل الاوردر او كان ف برنامج الترحيب دا و اخد الهدية يا ريت يعرفنى
و معلش طولت عليكو بس بجد حاجة تخنق اغلب الحاجات مش موجودة كدة

والله انا كمان نفس الموضوع
وبطلب الاوردر بتاعى بالتليفون وللاسف ملاقتش ولا الماسكار الجليتر ولا الروج الجديد ولا كريم القدمين اللى بالقرفة ولا الاسفنج بتاع كريم الاساس ولغيت فعلا الاوردر
بسبب انه المنتجات مش لاقيه غير انه فى حاجات من اللى طلبتها موجودة
وخايفة انتظر اللى مش موجود وعقبال ما القهم نزله يبقى الباقى خلص
بجد مشكلة ومش عارفة ليه ديما المنتجات مش متوفرة
بجد الموضوع ده لازم يناقش
شركة كبيرة زى دى المفروض طلما فى منتجات فى الكتالوجات يبقى لازم تكون موجودة مع اول الشهر
على كده مش انا لوحدى الا مش لاقية بقى منتجات
اومال هى فيها ايه بقى الشركة دى

عرفتو بقي يا بنات ان ما فيش حاجة كاملة
ومادام بنحب اوريفليم لازم نحاول نصلح اخطائها علشان ما يجيش اى حد ما بيحبهاش ويعقب عليها بطريقة جامدة
ولازم المسئولين يا جماعة يوصلو الموضوع دة للشركة وكمان دى مش اول مرة المنتجات ما تبقاش موجودة في الشركة خصوصا لو المنتج جديد او علية اوفر جامد زى مثلا صابونة السكرب سبا ماكنتش موجودة في الشركة الشهر الي فات علشان كانت نازل عليها اوفر جامد لازم يكون في حل للمواضيع التافهة دى مش كفاية الاسعار عليت في اخر 3 شهور في السنة الي فاتت وكمان المنتجات دقيقة جدا
هو انتو مش عارفين ان هتنزل عروض علي الفلنتين استنو لما العروض تنزل وابقو اعملو الاوردر احسن خصوصا سجود علشان الشحن يبقي مرة واحدة في الشهر

انا معاكى فى الكلام خالص انه لازم الشركة تصلح شوية من عدم وجود منتجاتها دى
ام بالنسبة للعروض عشان عيد الحب ده فمعرفش بصراحة فى عروض والا لا
انا اهم حاجة عندى المنتجات القها واهو يمكن لما انتظر الحق اى عرض عجبنى
الصبر حلو برده

الشركة كل سنة بتعمل عرض في عيد الحب
دول في شهر يناير من غير مناسبة عملو عرضين ودبلرة نقط
امال في عيد الحب وعندك شهر مارس عيد الام برضو

مشكورة حبيبتى واحنا فى الانتظار والاهم من العروض
وصول ووجود المنتجات اللى عوزينها فى الكتالوج
وياريت لما رتوحى الشركة وتلاقى المنتجات اللى انا عرضها واختى الفاضلة حد يقول لنا
عشان بجد محتاجهم جداااااااااااا

يا جماعة ميرسى على اهتمامكم و ردكم
و انا اتصلت بيهم و سئلت على المنتجات الى ناقصة قالو اول الاسبوع الى هو الاحد يعنى انهاردة
وفعلا رحت و بردو الحاجة لسا مجتش...........و نسئل جاية امتى يقولو ربنا يسهل...
المشكلة ان الناس عايزة حاجاتها و انا عايزة اخلص الاوردر
وطلبت كريم اليد سلك و كشمير لقيتو خلص...
طيب انا ليا سؤال هو عرض عيد الحب دا بيكون ف يوم الفلنتين وبس يعنى بيخلص ف نفس اليوم و لا بيستمر فترة
و يوم الخميس ف فرع المعادى فى حفلة الفلنتين وان شاء الله تكون حلوة
ويا ريت الاعضاء ف فرع المعادى يجو اليوم دا و نتعرف على بعض هناك :)

والله ومين سماعك انا كمان عوزة اطلب الاوردر بتاعى وعوزى حاجاتى والا معطلنى عدم وجود المنتجات الناقصة دى
ام بالنسبة للتخفيضات فانا معرفيش هى بتنزل فى نفس اليوم والا قبلها ثم انا اصلا مش عارفة الفلنتين ده يوم كام بالظبط هههههههههههه
انا منتظرة العروض وخلاص

الفلنتين دا يا سجود يوم14فبراير
واعتقد بتزل العروض فى اليوم دا بس
والله اعلم

يا بنات فى منتجات مش جاية تانى وفى منتجات ميعاد وصلها حيتأخر وكل اسبوع حينزل منتجات شكل
يعنى عقبال ما نحب نخلص الاوردر بتاعنا حتكون روحنا طلعت

وده لينك الموضوع الخاص بمواعيد المنتجات

https://oriflame.ahlamontada.com/montada-f6/topic-t1497.htm#6421

بضم صوتي لصوتكم
لأن الكل مخنووووووووووووووووووووووووق

ياجماعه فعلا دي مشكلة
انا بجد ادايقت جدا النهارده
يعني العروض لسه نازلة ولقيت برفان جيورداني وايت
جيت اعمل اوردر لقيته خلص
ازاى بقى خلص وهو لسه نازل العرض اصلا من يومين بس !!!!!!!
ودي مش اول مرة ده كذا مرة يحصل نفس الموقف واطلب حاجات ولسه فبداية الشهر والاقيها خلصت
انا حاسة انها بتنزل زياده عدد صفحات الكتالوج مش اكتر

السلام عليكم ورحمة الله
يا جماعة موضوع انها تنزل تكملة صفحات للكتالوج ده مش مظبوط لانه اصلا البروشورات بتاع السنة كلها بتتعمل مع بعض مرة واحدة وانه الحاجة بتتاخر دي مش بايد الشركة لانه من مصلحتها طبعا انه كل شي يكون موجود عشان مياثرش ع مبيعاتها لانه الشركة برده ليها تارجيت معين لازم تحققه كل شهر عشان كده ف بعض الاوقات بتزل عروض مرتين او يعملو دبلرة اقاط عشان بتكون نسبة مبيعات الشركة مش اوي بسبب انه العروض مش مغرية او انه المنتجات مش موجودة يعني هية مش من مصلحة الشركة ابدااا انه ميبقاش موجود منتجات وده بيبقى مشكلة من شحن المنتجات من الخارج على مثلا ما تعدي ع وزارة الصحة وكده يعني انتو عارفين الروتين بقى الشركة بتكون عاملة حسابها ع وصول المنتجات بس اجراءات الدخول هية لي بتاخرهم والشحن وكده


اما بالنسبة لانه المنتجات لي عليها اوفر مش بتبقى موجودة ده علشان بتبقى فرصة كويسة والمية مثلا المتوفرة مش كبيرة اوي وفي ناس بتطلب بكميات اوفر اوي وكبيرة جدا والحل ف الحالة دي انك تحجزي العدد لي انت محتاجاه ( ده طبعا لو الحاجة نازلة ف البروشور مش ف عروض داخلية) وتطلبيها الشهر لي بعدها ف الباك اوردر هتخديها بنفس السعر القديم وتتحسب نقاطها للشهر الجديد لكن مدة الباك اوردر 3 شهور فقط يعني لو متوفرتش ف الشركة المنتجات لمدة 3 شهور الحجز هيقع من الباك اوردر
يا رب اكون افدتكم
سلاااااااموووووووووووز