كيف تكسبين وزنا اضافيا

ازاى نقدر نعالج النحيفات او كيف نكسب وزنا اضافيا مع العلم انى من النوع الى بيزل بسرعة يعنى لو تخنت كيلو انزل 3 كيلو بعدها فكيف اتخن وازاى اثبت وزنى
ولو حد يعرف برنامج غذائى متجرب يقولهولى
انا طولى 166 ووزنى حاليا48ونص

ههههههههههههههههه
زعلتينى ياشيماء
انا قريت العنوان بس كيف تكسبين وزنا اضافيا دخلت جرى قولت اشوف اتخن ازاى
اتاريكى عاوزى انتى كمان تتخنى
جبتك ياعبد المعين تعين
اصل انا زلت كتير فى مواضيع عاوزه اتخن محدش قالى
انا زيك برضو وزنى 48 وطولى تقريبا 158

شوفولنا حل ياجماعه

مش معقول انا كمان دخلت جرى زيك يا ساسو عشان اتخن شوية ...نرجو حل عاجل انا كنت قبل الزواج وزنى 50 كيلو ودلوقتى بعد ما جبت البنتين بناتى بقيت58 وطولى 163 وطبعا بين الطلوع والنزول فى 3 كيلو منهم وعلى كدة بقالى 4سنوات وكانت دى قصة حياتى هههههههههه

انا ممكن افيدكم ان شاء الله انا كان وزني 50 وطولي 167 دلوفت وصلت 60 انا كنت باخد اقرص اسمها ترايكتين هي بتخلي الواحد ياكل كتير والشتا كمان بيساعد عالاكل هي اول يومين بدوخ بس بعد كده عادي تاخدي نص قرص بعد الاكل مرتين يوميا انا لما لقيت نفسي معدل اكلي زاد بطلتها والحمدلله دلوقتي باكل كويس اوي انتي ممكن كمان عشان تزودي وزنك تاكلي حاجات سعراتها عاليه زي عسل اسود بطحينه وربنا يوفقكم

كلوا دحل جري كلوا متصربع يعني
مفيش حد رايق كده وجاي على مهله
انا كمان جيت جري
انا طولي 169 ووزني 52 عاجبني جسمي كده بس ساعات بحس اني عايزة اتخن شوية Very Happy

عارفين يا بنات ايه اللى يغيظ فى الموضوع ده ؛ ان كل برامج القنوات الارضية والفضائية بيكلمو عن اللى تخان وعايزين يخسو ايه خلاص مبقاش فى حد رفيع عايز يتخن كل الناس تخنو وخلصو خلاص ولا ايه