طريقه الناجتس الى بيحبو الاطفال والكبار

السلام عليكم ورحمه الله وبركاته

حبيت اقولكم على وصفه الناجتس انا عملتها فى البيت تحفه والكل حبها ويا رب تعجبكم
المقادير

1-كيلو فراخ صدور مخليه 2-بصله 3-واحده بطاطس متوسطه 4-ملعقه كبيره مسترده 5-ملعقتين مايونيز 6-ملح 7- فلفل اسود 8-دقيق ابيض 9- بقسماط 10 -زيت للقلى الطريقه

اولا نقوم بتقطيع الفراخ الى مكعبات صغيره ثوم نفرمها فى الكبه فرمه واحده ثم نضيف البصل والبطاطس والملح والفلفل والمايونيز والمسترده ونكمل الفرم بس لا تفرموها زياده ثو نفرغها فى اناء عميق وازاى كانت لينه جدا نقوم بوضع القليل من الدقيق ثم نقوم بتشكيلها ثم نضعها فى البيض(نسيت اقوله فى المقادير)ثم فى البقسماط وتقلى فى زيت عميق وسخن وبالهنا والشفا يا رب تعجبكم ويا ريت تدعولى انى اولد بالسلامه ويرزقنى الله بطفل صحيح معافى

ربنا يرزقك بطفل عسول زيك مش جاى من القمر كلو ميرسى لافادتك

ربنا يسعدك ويسعد ايامك واوقاتك ويرزقك بالزريه الصالحة ان شاء الله

ربنا يقومك بالسلامه حبيبتى ويكرمك باجمل طفل فى العالم كله وابقى فرحينا رزقتى بايه لما تقومى بالسلامه

يارب تقومى بالسلامة ويرزقك بطفل صالح وجميل زيك

طريقه الناجتس الى بيحبو الاطفال والكبار 20726

ربنا يكرمك يا شيمو ويحققلك كل احلامك يا رب ميرسى لزوقك يا قمر وميرسى لعبد الله وام سيف ربنا يخليلك سيف ويباركلك فيه وكمان ميرسى لابتسام الجميله يا رب تجربو الوصفه وتعجبكم اكيد حتعجب سيفو

ربنا يرزقك يا سكر على فكرة أنا بعملها كده حلوة قوى

انا حاجربها انشاءالله واكيد حتبقي حلوه عشان منك
ويارب يقومك بالسلامه ويرزقك بالخلف الصالح ويكون زي القمر وتفرحي بيه طول عمرك يارب

انشاء الله تجيبى بيبيى عسول زيك ويكون ولد صالح

انا بقولك تسلم ايديك

وربنا يقومك بالف سلامة