البودرة ارجو الافادة لو سمحتم ضرورى

لو سمحتو انا ماجبتش بودرة قبل كده وكنت عايزة اعرف الانواع الحلوة منها
ياريت اللى جربت اى نوع تقولى ايه مميزاته وعيوبه وياريت لو تفهمونى ايه الفرق بين المصطلحات دى
؟
powder matte
/////// pressed

matte يعنيي للبشرة الدهنية
انا عن نفسي احلي واحدة عجبتني بتاعت اوريفليم بيوتي
اللي مش مضغوطة

بصي هي مش بتفرق بالدقه اوي انا مثلا جيباهابريسد بودر وانا بشرتي دهنيه ويا سلام بقي كما علي كريم الاساس dual core fundationبجد تحت تحت البودره يجنن يبينك كده طبيعيه
علي فكره انا بتكلم عن تجربه لو مش عارفه مش هجاوبك اصلا

في بودرة سايبة loose
و بدرة مضغوطة الي هيا pressed
السايبة بتدي شكل طبيعي اكتر
و المضغوطة اسهل في الاستخدام و سهل انك تشليها و تستخدميها في اي حتي و تظبتي بيها الميك اب من غير ما تشيلي فرشة
انا عند مضغوطة الي هيا matt control هي حلوة جدا
و عندي سايبة بتاعة جورداني الي علي شكل فرشة بي هيا زي كل حاجات جورداني بتسمر و كمان هي اخر ظهور في الكتالوج و معلهاش خصم
الي رورا بتكلم عليها شكلها حلو قووووي و بصراحة انا بثق في رايها

انا بستخدم بيوتى اوريفلام وبشرتى مختلطة بس الحمد لله كويسة معايا
وهى احسن باودر انا استخدمتة لحد دلوقتى

انا بستخدم بيوتى اوريفلام وبشرتى مختلطة بس الحمد لله كويسة معايا
وهى احسن باودر انا استخدمتة لحد دلوقتى

[b]يا جماعه انا كمان عايزه بودره تكون مفيهاش لمعه يعنى ميكونش فيها كسر بيلمع زى اوريفلم بيوتى السايبه يا ريت حد ريرد علينافى موضوع البودره دا

white heart كتب:: [b]يا جماعه انا كمان عايزه بودره تكون مفيهاش لمعه يعنى ميكونش فيها كسر بيلمع زى اوريفلم بيوتى السايبه يا ريت حد ريرد علينافى موضوع البودره دا

يبقى تستخدمى اوريفيم بيوتى المضغوطه او جيوردانى المضغوطه الاثنين حلوين جدا ولو بشرتك دهنيه استخدمى الى عليها كلمت مات

[b]طيب ممكن اعرف كود البودره بتاعه جوردانى اللى بتقولى عليها يا يامن وانتى متأكده انها مش بتدى لمعه ولا فيها كسر اصلى سمعت قبل كده ان كل بورده جوردانى بتلمع وكمان عايزه اعرف لو انا بشرتى خمرى فاتح يعنى وسط لا بيضا ولا سمرا اجيب الدرجه الميديم اللى هى كودها 12881

انا عندى اورفليم بيوتى مات فى منها درجتين بس انا جايبه الفاتحه وبشرتى خمريه زيك ومناسب جدا ليها الدرجه الفاتحه
انا قلت اقولك معلومه عشان لو هتجيبى البيوتى متجبيش الغامقه عشان هتسمرك آآآوى ، تجيبى الافتح
اما جيوردانى معرفش عن درجاتها حاجه البودرة ارجو الافادة لو سمحتم ضرورى 140564

البودرة ارجو الافادة لو سمحتم ضرورى 140564

طيب يا نهى انا بس حابه اعرف حاجه انا بشرتى جافه فا تفتكرى اوريفلم بيوتى مات مش هتجير معايا

حقيقى مش عارفه ومش عايزه اقول حاجه مش اعرفها
المات دى للبشره الدهنيه لكن مش عارفه اذا كانت بردو تناسب انواع بشرات تانيه ولا لاء ان شاء الله حد يقرا سؤالك وهيجاوبك

شكرا يا نهى وياريت يامن ترد عليا

يا بنتى مفيش غير المضغوطة بيوتى لانى جبت المضغوطة جيوردانى وفيها لمعة
اصبرى يمكن نلاقى حاجة تنفع لك
نورتى المنتدى يا وايت

انتى ايه اللى جابك هنا يا رهف اجرى العبى فى حاره تانيه cyclops

white heart كتب:: طيب يا نهى انا بس حابه اعرف حاجه انا بشرتى جافه فا تفتكرى اوريفلم بيوتى مات مش هتجير معايا

وايت هيرت الباودر دى مش حتجير ان شاء الله وبنصحك تشترى كريم بانثينول من الصيدلية وتدهنى بشرتك قبل وضع الميكب ان شاء الله حيرطب بشرتك ويطريها وينعمها ويدى مظهر صحى للفونداشن بعد كدة

بالتوفيق

اول مره اسمع عن كريم بانثينول
ممكن تقوليلى يافاطمه هو كام ملى وسعره كام ؟

ههههههههههههه ده انبوبة زي الرهم كده يا نهي ب 2.5 جنية بس حلو قوي هو طبي اصلا

وفى يانهى لو هاتجيبى كريم البانثينول هو كويس للبشره بس اوعى تجيبى الديكسا بانثينول عشان ده فيه كورتيزون ومش كويس ابدا للبشره

بلاه بانثينول خالص يا جماعه احسن دا لو فيه كورتيزون تبقى مشكله

لا يا وايت هارت البانثينول ما فيهوش كورتيزون فى حاجه ممكن يديهالك بديله اسمها ديكسا با نثينول هى دى اللى فيها كورتيزون لكن البانثينول كويس وما فيهوش

white heart كتب:: بلاه بانثينول خالص يا جماعه احسن دا لو فيه كورتيزون تبقى مشكله

بانثينول ايه بس يا وايت
الصيادلة بيسوقوا ادوية هنا والا ايه ؟
ههههههههه
بصي يا جميل انتي عاوزة بودرة مافيهاش كسر لميع
و انتي اصلا بشرتك عادية
و لونك لا ابيض و لا اسمر يعنيي خمرية
انا كده ماشية صح ؟
اوريفليم بيوتي عندها نوعين بودرة سايبة و مضغوطة و مضغوطة للبشرة الدهنية
اللي هيه matt
انا جربت السايبة و المضغوطة العادية و الاتنين مافيهمش كسر لميع
و درجة السايبة الفاتحة احسن من المضغوطة
تحسي انها طبيعية اكتر المضغوطة فاتحة زيادة عن اللزوم
اتمني اكون افدتك
و قبل ماتستعملي كريم الاساس استعملي اي كريم مرطب
مش يقولولك بانثينول

يا رورا انا جبت السايبه بيوتى ولقتها فيها كسر لميع والله انا دلوقتى هسألك سؤال لو ركزنا فى المضغوطه بيوتى انهى درجه تناسبنى الدرجه التانيه اللى اسمها ميديم ولا ليت مديم فى المضغوطه اللى للبشره الدهنيه _ ولو جبت اللى للبشره الدهنيه هتبقى عادى معايا عشان بشرتى مش دهنيه ولا هتعملى مشكله _ انا شايفاكى عندك خبره يعنى فا قولت ارزل عليكى شويه وشكرا

white heart كتب:: يا رورا انا جبت السايبه بيوتى ولقتها فيها كسر لميع والله انا دلوقتى هسألك سؤال لو ركزنا فى المضغوطه بيوتى انهى درجه تناسبنى الدرجه التانيه اللى اسمها ميديم ولا ليت مديم فى المضغوطه اللى للبشره الدهنيه _ ولو جبت اللى للبشره الدهنيه هتبقى عادى معايا عشان بشرتى مش دهنيه ولا هتعملى مشكله _ انا شايفاكى عندك خبره يعنى فا قولت ارزل عليكى شويه وشكرا

اولا انا تحت امرك مش بترزلي عليا و لا حاجة
احنا كلنا هنا اخوات و لما تقدمي في المنتدي هتعرفي ان ماحدش بيعز معلومة علي التاني
ثانيا ازاي بودرة اوريفليم بيوتي فيها لميع ؟
عندي يا بنتي و الله ومافيهاش حاجة
بصي احنا اللي يحكمنا الكود كودها كام اللي عندك ؟
ثالثا انتي ليه عاوزة تبوظي بشرتك
اوضحلك معلومة عن اي منتج للبشرة الدهنية سواء الفونديشن او البودرة
البشرة الدهنية يعنيي نسبة الزيوت فيها عالية صح
ايه بقي اللي ينسبها و يخلي شكلها طبيعي
منتج يمتص منها الدهون و الزيوت الزيادة اللي فيها تمام
هتيجيي حضرتك و تستعمليها و انتي بشرتك عادية هتعمل فيها ايه
هتمتص الزيوت اللي في بشرتك اللي هية نسبتها عادية فهتخليها جافة
و بعدين انا شايفاكيي بتسألي علي البودرة بس
انتي هتستعمليها من غير فونديشن والا ايه ؟

شوفى يارورا ما فيش صيادله بيسوقو ادويه هنا ولا حاجه كل الحكايه انى لقيت واحده بتسال بشرتها جافه وبتسال اصلا على البانثينول فنبهتها على خطا بيقع فيه كتير من البنات لما بيروحو لدكتور متخصص فى الامراض الجلديه فممكن بيديها بانثينول كريم كمرطب فبتروح تشتريه من الصيدليه طبعا لو اللى موجود مش دكتور او واحد كدا مش فاهم حاجه اساسا ممكن يديها ديكسا بانثينول كبديل ودا طبعا غلط لان فيه نسبه كورتيزون ممكن يدمر البشره دا للنصيحه مش اكتر مش انتى بتقولى اللى عنده معلومه ما بيعزهاش هنا عن التانى بعدين كل واحد يتكلم فى تخصصه واللى يفهم فيه مش تقولى بانثينول ايه دا اللى بيقولولك عليه بعدين بانثينول ايه ابو 2 جنيه اللى هانسوقه هنا لان الصيادله مش محتاجين يسقوقو منتجاتهم فى المنتدى

ايه ده ايه ده انتي اخدتي الكلام جد قووي كده ليه يا اسماء
انا عارفة انك بتدي المعلومة مش اكتر
بس انا كنت بهزر معاها وماعرفش انك هتزعلي قووي كده
خاصة انك تقريبا مش صاحبة الاقتراح
بس قوليلي صحيح هوه البنثينول ده زي الكيوتفيت ؟

لا يحالات حساسيه او اكزيما الجلد اروراا دا حاجه ودا حاجه بس الكيوتيفيت كمان ممكن يستعمل كمرطب للبشره بس او فى

بصى يا ستى اولا انا مش بستعملها لوحدها بستعمل تحتها كريم اساس - وبالنسبه البودره اللى عندى كودها 12906 كلير اير سوفت بودر اوريفلم بيوتى - لعلمك انا كمان جربت البودره المضغوطه اوريفلم بيوتى اللى هى سلك بريسد حلوه اوى اوى بس انا جربتها بس لانها درجتها اول درجه الليت دى بتاعه اختى هى بيضا انما انا خمريه فا كنت هتهور واجيب الدرجه المديم اللى زيها قالولى غامقه فا جبت السايبه فا اخدت مقلب لانى لقتها فيها نقط بتلمع يعنى متمفعش غير بليل

طيب لو سمحتم ممكن تفيدونى

انا بشرتى مختلطة

فقريت هنا فى المنتدى انه ينفع لها البودرة المضغوطة مات

ولقيت فيها درجتين دارك ومديم
وانا بشرتى قمحى فاتح

فايه يناسبني ساريت تفيدونى ايه الانسب ليه سواء دى ولا غيرها

انا يا عيق خمرية او قمحي فاتح برضوا و عندي الفاتحة و كويسة معايا بس موضوع البياض و السمار ده نسبي في مصر
بس انا بريح دماغي و اجيب البرسولين من اي حاجة و اهي ماشية البودرة ارجو الافادة لو سمحتم ضرورى 424858

البودرة ارجو الافادة لو سمحتم ضرورى 424858

» ارجو الافادة
» هدية عيد الميلاد
» ارجو الافادة
» ارجو الافادة
» ارجو الافادة في هذا الموضوع