مطنشينى ليه ومش عاوزين تفيدونى ليه ممكن المره دى تردو عليا؟؟؟

عوزه اسالكو على حاجات ناويه اجيبها فكتالوج مايو ياريت اللى جربها او اى حد يقدر يفيدنى يرد عليا 1-روج باور شاين ص 11عوزه احلى لونين فيه
2-لوشن التفتيح ايسينشيال اللى فصفحه17 حد جربو؟
3-منتجات اوبتيمالز ص53 ايه رايكو فيها واحسن حاجه فيها ايه
؟4-الغسول اللى فصفحه64 و65 حد جربهم وايه احسنهم؟
5-الماسكات اللى باليااسمين والطمى والشاى الابيض ايه رايكو فيهم ص 67؟
6-كريم الاساس اللى بالاوكسجين ص 101 ؟
7-البودره السايبه ص 103 حلوه ولا استنى عرض احلى عليها او على اى بودره سايبه تانى؟
8-القلم المحدد للعين ص 105 حلو؟
9-الملمع بتاع بيوتى ص 108 اللى 37 حلو وايه احسن لون؟
10-الروج ص 110 اللى ب 39 حلو واحسن لون؟
11-الروج اللى ص111 اللى ب 54 حد جربه؟
12-روج فيرى مى ص 122 احلى لون ايه؟
13-كريم اساس فيرى مى ص126 حلو؟
14-منتجات بيور سكن ص 127 احسن حاجه ايه؟

معلش طولت جاااااامد استحملونى واكسبو فيا ثواب وجاوبو عليا عشان مجبش حاجه واتخم فيها عشان انا جديده فاوريفليم مستنيه ردكو بليز ردو

بصى ياقمر بالنسبه للباور شاين انا مستنيه الاجابه معاكى وانا من الالوان الى عجبتنى جدا الاحمر بتاعه رااائع
مجموعة اسينشال مجربتهاش
منتجات اوبتيمالز كلها تحففففه ولو بشرتك دهنيه او مركبه خليكى فى المجموعه الخضرا روووعه والمنظف الملكى صفحة53 روووعه وبيرطب البشره جداااااوبينضفها ومش بيشدها ابدا هايل بصراحه وكمان مناسب جدااا حتى للبشره الحساسه وبتحسى بترطيب هايل بعد استخدامه
والاسكراب انا عندى بس مستخدمتوش لسه لان عندى انواع تانيه مفتوحه
وكريمات المجموعه الخضرا والتونر تحفه بكل ماتحمل الكلمه من معنى حلوة الفصحى دى ههههههه
ايه تانىىىى
اه الغسول انا بفضل الانواع الى فى 65 الاتنين ممتازين اختارى النوع الى يناسب بشرتك
ماسكات ص67 حلوين بردو
بالنسبه لكريم الاساس مش عارفه ياريت حد جربه يفيدك اكتر لانى مستخدمتش غير جوردانى وبفكر اجرب بتاع فرى مى لانى سمعت ان درجاته فاتحه ومرطب للبشره ياريت حد يفيدنى فى النقطه دى لانى مجربتوش خالص

القلم المحدد للعين ده رووووووووووعه بجد حلو جداااا ولطيف جدا على البشره وكمان اول ماتغسلى وشك مش بيبقى ليه اثر وشكله حلو اوى على العين
الملمع بتاع بيوتى حلو بس انا شايفه انه كان بينزل اقل من كده بكتير

الروج ده انا مجربتوش بس بينزل عليه عرض واحد ومعاه واحد مجانا او بيكون اقل من كده لان ده سعره الاصلى
بتاع ص54 مجربتوش بس شكله هيبقى تحفه انا بفكر اجيبه ياريت لو حد جربه ياكد كلامى او ينفيه
روج فرى مى انا عاجبنى 21258 و21260 و21261 ومحتاره بينهم لسه وسئلت البنات هنا على احلى درجه ولسه لم يائتى الرد هههههه
منتجات بيور سكين عموما حلوة والكل بيشكر فيها بس احسن حاجه على حسب انتى احتياجك ايه غسول ولا تونر واستيك يعنى على حسب احتياجك
اتمنى اكون افادتك ياجميله بس انا بريئه من ذنب اى حد يستخدم اى منتج لغير المحارم وان شاء الله الحاجات تعجبك ياقمرايه

انا بقى المنتج الوحيد اللى جربته واقدر افيدكم فيه هوا روج فيرى مى انا مش هتكلم عن الدرجات لان كل واحده وذوقها ولون بشرتها كمان
انما هوا ممتاز والروج الوحيد اللى بيكون زى ما فى الكتالوج بالظبط يعنى اللون اللى هتختاريه هتلاقيه

بصى يا قمر اللى هقدر افيدك فيه الماسكاتنصيحه اوعى تشتريها ولا ليها اى لازمه ومش بتعمل اى حاجه ملحوظه فى الوش بذات البمبى ده اشتغاله كبيرهوعموما ده رائئ يمكن حد تانى يكون عاجبينو

بوصى يا دكتورة انا جربت كريم التفتيح بتاع اسينشال تحفة ومالوش اى ملمس دهنى بس اللوشن مش عارفة بس اكيد هايبئى زيه وبالنسبة للماسكات ماسك الشاى الابيض جميل جدا وكريمات الاساس انا بستخدم جوردانى روعة

كريم الاساس الاوكسجين جميل قووووووى هاتى افتح درجه منه اما لوشن التفتيح مش بيعمل حاجه هو ريحته حلوة قوى لكن مش بيفتح قوى اما كريمات الابتيمالز بتبقه حلوة قووووى

بجد جزاكم الله خيرا كلكو وياريت لو اى حد جرب حاجه من اللى بسال عليها او سمع عنها ياريت يفيدنى ربنا يكرمكو على فكره انا جربت لوشن كده من فيرى مى زى الفونديشن غطاه لونه اورانج بجد تحفه بس ده كان نازل فابريل الاخت متوكله على الله هوه مجموعه اوبتيمالز الخضرا دى نازله فمايو؟؟؟؟ انا شيفه كريمات بتاعتها بس وياريت لو حد يدينا راى قاطع فالماسكات ربنا يكرمكو

مجاوبتونيش على البودره السايبه اللى فصفحه 103 من ناحيه نوعها وسعرها ؟ وايه رايكو فمنتجات تروبيكال اللى فاخر الكتالوج صفحه142 حد جربها؟؟؟؟؟؟؟

طيب وبما ان اغلب الناس بيشكر فالاوبتيمالز ياريت باه تساعدونى اختار ايه بالظبط لانى صعب اجيب كل حاجه انا كده هفلس وانا اصلا مفلسه هههههه يعنى اجيب الكريم المقشر ولا الاسكرب ولا الميلك اللى فصفحه 53 والتونر اجيب انهو نوع اللى ف 52 ولا 53 خلى الكريمات المره الجايه معيش فلووووووووس جزاكم الله خيرا ياريت تكملو نصايحكو ليا

ميرسى يا رورا ع النصيحه اولا انا بشرتى دهنيه ثانيا انا مش مصعباها ولا حاجه منا عوزاكو تفيدونى عشان مشتريش كله مره واحده صعب اجيب المجموعه كلها عشان كده بسال ايه الاحسن وكل شهر اشترى شويه وكل ده عشان مرجعش اندم

ميرسى يا رورا بجد ربنا يكرمك طب كملى جميلك باه وقوليلى رايك فالماسكات وغسول بيور سكن ولونين حلونين فروج باور شاين

وصحيح كريم اساس الاوكسجين ينفع للبشره الدهنيه هوه وبتاع فيرى مى ولا فى حاجه احسن تنصحينى بيها معلش تعباكى معايا

بصراحه يا رورا انا بجيب الحاجه واشيلها عشان جهازى ومقلقه من حوار الصلاحيه بس بقول ربنا يستر وقالولى ان الحاجه صلاحيتها 3 سنين فربنا يستر باه
يعنى انتى رايك الفونديشن اللى بالاوكسجين ده مينفعش للبشره الدهنيه؟
ومتهيالى البودره السايبه انسب للبشره الدهنيه من الكومبكت مش كده؟ ودول ايه رايك فعرضهم فمايو كويسين ولا استنى ممكن ينزلو بسعر اقل ؟ وهل ينفع يتجابو ويتشالو
معلش تقلت عليكى اوووووووى

انا قصدى يا رورا ع الفونديشن اللى للبشره الدهنيه اللى قلتيلى عليه رايك ايه فعرضهم فمايو ؟

انا بشترى عن طريق الشحن ومش هتجوز السنه دى جايز على اول السنه الجايه ان شالله

د-ريهام كتب:

انا بشترى عن طريق الشحن ومش هتجوز السنه دى جايز على اول السنه الجايه ان شالله

يعنى مشتريش اى ارواج من دلواتى ولا فونديشنات؟اومال اكمل النقط بايه؟؟؟؟؟؟

موضوع الحيره ده عندنا كلنا انا بردو وقعه في مشكله جامده بسبب الحيره انا عايزه انقي كام لون روج لجهازي بردو انا هقولكم الروج الي عندي ودرجاته وعايزه حد يقترحلي الوان الي مش عندي وهتليق عليه عموما انا بشرتي فاتحه انا اولا جبت من الروج التربل الثلاثي الاحمر كود 18467و البنك كود 18464ومن فري مي 21265و 21268
وجبت الملمع ثلاثي الابعاد الي نازل في كتالوج مايو ص108 الون الدهبي منه ياريت يجماعه تفدوني انا عايزه يكون عندي اغلب الالوان ياريت حد يقولي ايه الالوان الي نقصاني وفين في كتالوج مايو بس محدش يقترحلي التربل ولا ثلاثي الابعاد ص 108 لانهم نازلين غالين قوي
معلش طولت عليكوا

اهلا ازيك ياجميل قبل مااجاوبك على باقى استفساراتك انا قريت فى ردك انك بتعينى الحاجات لجهازك ولسه فرحك السنه الجايه انا راى ان كده لسه بدرى اوى على شرا الحاجات عشان الاكسبير ياقمره
نصيحه الحاجات الى هتعنيها لجهازك استنى عليها شويه عشان الاكسبير
بالنسبه للاسئلتك بقى ياقمر بصى بما ان بشرتك دهنيه مجموعه اوبتيمالز الخضرا هتبقى حلوة اوى معاكى وهى فعلا مجموعه جميلهومين قال ان نازل الكريمات بس نازل كمان التونر والفوم فى نفس الصفحه بالنسبه لانك مش عايزه تجيبى المجموعه كلها مع بعض مفيش مشكله شوفى الى انتى محتجاه الاول وهاتيه المجموعه كلها حلوة ومفيش وجه للمقارنه بينهم لان كل منتج ليه وظيفه مختلفه عن التانيه
بالنسبه للتونر الى فى صفحة 52 مناسب اكتر ليكى
اما عن منتجات 53 ابعدى عن الميلك عشان طبيعة بشرتك وهو نفس وظيفة الفوم بتاع 52 يعنى الاتنين نفس الحاجه غسول للبشره بس 52 مناسب لبشرتك
اما الاسكراب ولا المقشر فلو بشرتك حساسه هاتى المقشر لو عاديه هاتى الاسكراب
ما الماسكات انا جربتها ومش وحشه
البودره السايبه انا مجربتهاش لان لونها اغمق من بشرتى
وبالنسبه لكريم الاساس الاتنين الى رورو قالتلك عليهم دول اكتر اتنين مناسبين للبشره الدهنيه والبودر الى يبقى حلو معاكى بتاعت اورفليم بيوتى كنترول مات

جزاكى الله الف خير يا متوكله على الله انتى ورورا وكل اللى بينصحونى ربنا يكرمكو ويجعله فميزان حسناتكو يارب

تسلمى ياقمرايه واى استفسار احنا اخوات
وياريت الى يعرف يفيدنا بالنسبه لكريم اساس فرى مى فعلا درجة البورسلين بتاعته فاتحه اوى ومرطب وحلو ولا لا لان انا على طول بستخدم جوردانى بس نفسى فى حاجه افتح منه
وياريت درجات الروجات يابنات

طيب بالنسبه لى lala
او اى حد تانى جرب روج فرى مى
ياريت تفيدونى فى الدجتين دول انهى واحده فيهم احلى على الطبيعه لانى محتاره بينهم جداا وانا بشرتى فاتحه البينك كيس احلى ولا الروك ستار احلى؟؟

والباور شاين بردو انهى واحده احلى البينك الكسير ولا الترند بيرى؟؟
عايزه الاحلى فى كل نوع منهم وفى نفس الوقت تكون لونها مختلف عن الى فى النوع تانى يعنى درجة الفرى مى تكون مختلفه عن الباور شاين

وكمان بالنسبه للباور شاين ايه احلىالفورستيد شامبين ولا الجولد تاتش ولا السويت مندارين
انا عاجبنى السويت مندارين بس خايفه تكون فى الطبيعه قالبه على اورانج فهل ده صحيح؟ ولا لونه دهبى؟

يارب حد يفيدك يا متوكله ويفيدنى معاكى
وكنت عوزه اعرف كمان ايه رايكو فكريم الشمس سول50 بس بصراحه انا بشرتى حساسه جدا ومش بتستحمل الشمس ولانى دكتوره يعنى بستخدم كريم فوتوديرم حمايه 100 لو تعرفوه فهوه خلص وكنت هجيبه تانى فقلت اسالكم على سول50 ده لو حلو اجيبه واهو يكملى نقط بس ياريت تفيدونى حمايته حلوه ولا اييييييييه؟

والله الكريم ده تحفة يا دكتورة ان جبتو لبنت خالى من سنة وهى ماشية عليهوهى طالبة فى كلية فبتطر تنزل كل يوم وبشرتها حساسة وبتسمر من اقل تعرض للشمس من غير واقى بصراحة هى دا الوقت ما بتقدرش تستغنى عنه وبتشكر فيه جدا

انا اشتريت روج فيرمي هو الوانه هاديه قوي قوي قوي