ماسك المانجو وفوائده

إذا كنتِ تبحثين عن بشرة نضرة ومتألقة ، ينصحك الخبراء باستخدام قشر المانجو فهو يساعد على شد البشرة وتصغير مسامات البشرة ذات المسامات الكبيرة ، كما أنه يعطي إشراقة للوجه ، ويخفف من البقع السوداء.


وإليكِ طريقة استخدامها : عند تقشير حبة المانجو بطريقة رقيقة لا تقومي برمي القشر ضعيه على وجهك بنفس اللحظة وهو طازج وقومي بذلك بأيام متتالية لمدة أسبوع .


ويؤكد الخبراء أنه بالإضافة لطعمها اللذيذ واحتوائها على الفيتامينات والمعادن ومضادات الأكسدة، فالمانجو تحتوي أيضاً علي إنزيم يساعد على تهدئة المعدة، وتستخدم المانجو لإيقاف النزيف وتقوية القلب وتنشيط الذهن، وهي تعمل على بناء الدم وتساعد في حالات الإصابة بالأنيميا لاحتوائها على نسبة عالية من الحديد.


كما تساعد كميات البوتاسيوم والماغنسيوم الموجودة في المانجو على علاج تقلص العضلات وأيضاً على إزالة التوتر، وتعتبر المانجو واحدة من أغنى المصادر الطبيعية بالبيتاكاروتين وهي مادة مضادة للأكسدة وأيضاً مجموعة فيتامين "ب" التي تساعد على تقوية الجهاز العصبي، ويوجد بالمانجو أيضاً حامض الجلوتامين الذي يعد الغذاء المثالي للمخ من أجل التركيز والذاكرة

شكرا يامينا

بس بعد ما نحط القشر بتاع المانجه ممكن ندخل الفرن هههههههههههههه

تسلم ايدك علي المعلومات دي

hend_dodo كتب:

شكرا يامينا

بس بعد ما نحط القشر بتاع المانجه ممكن ندخل الفرن هههههههههههههه

تسلم ايدك علي المعلومات دي

ممكن طبعا ده هيسرع من تاثير الماسك

dr mena كتب:

hend_dodo كتب:

شكرا يامينا

بس بعد ما نحط القشر بتاع المانجه ممكن ندخل الفرن هههههههههههههه

تسلم ايدك علي المعلومات دي

ممكن طبعا ده هيسرع من تاثير الماسك

ههههههههههههههههههههههههههههه

وممكن تحط شوية توابل

دا كده بقى طبق مسقعه مش ماسك

كله مفيد حتى المسقعه كله بيغذى

ههههههههههههههههههههه

ايه يا مينا الصورة الجامدة دي واللي قبلها كمان كانت حلوة
انت بتحب جون ابراهام قوي كدة ؟

Ran كتب:

ايه يا مينا الصورة الجامدة دي واللي قبلها كمان كانت حلوة
انت بتحب جون ابراهام قوي كدة ؟

اه بحب جون و بريانكا و بحضر كل افلامهم

م.هالة كتب:

تسلم إيديك يا مينا
ماسك جميل و سهل

العفو يا م.هالة

انا برضه بموووت في بريانكا
بس بحب ريتيك روشن اكتر
على فكرة انا بدرس هندي ومدمنااااااااااه

Ran كتب:

انا برضه بموووت في بريانكا
بس بحب ريتيك روشن اكتر
على فكرة انا بدرس هندي ومدمنااااااااااه

يا بخنك انا كان نفسى ادرس هندى بس درست روسى عشان كنت مسافر روسيا الاجازة دى

ربنا يوفقك
على فكرة في قرصات في المركز الثقافي الهندي عشان تتعلم اللغة وبدون شروط
بس لازم تكون بتعرف انجليزي عشان اللي بيدرسوا مش يعرفوا عربي بيشرحوا بالانجليش

انا مش عايش فى القاهرة و لسه باقى سنة فى الكلية انا درست روسى عشان موضوع السفر ده ممكن السنة الجاية لو خلصت و مشتغلتش و ده العادى فى مصر هههههه اكمل كورسات لغات فى المركز الثقافى انا معايا اصحابى كانوا بياخدوا فيه روسى و كان عاجبهم اوى

ربنا معاك

تصدق انا اول مرة اعرف ان المانجو مفيدة اوى كدة ده انا طول عمرى نفسى اعرف المانجو دى فايدتها ايه؟؟؟؟ انا عندى انيميا هارى نفسى مانجو بقا عشان الحديد
هههههههههههههههههههه

بجد معلومه حلوة جدا ده انا برمى القشر بالمانجا اصلا هههههههههههههه
تسلم ايدك يا مينا

manooo_82 كتب:

بجد معلومه حلوة جدا ده انا برمى القشر بالمانجا اصلا هههههههههههههه
تسلم ايدك يا مينا

ههههههههه امال بتاكلى ايه مادمتى بترمى القشر والمانجا مع بعض اكيد بتاكلى الكيسة اللى فيها المانجة هههههههههه

Pure Snow كتب:

مينــــــــــــــا $ أحط قشر المانجا من الناحية اللي فيها المانجا و الا الناحية اللي فيها القشرة

لأ انتى تاخدى بذرة المانجة تحطيها فى بقك وتسدى مناخيرك لمدة 10 دقائق وان شاء الله وشك هيبقى زى الفل وهتدعيلى

نادر الحداد كتب:

Pure Snow كتب:

مينــــــــــــــا $ أحط قشر المانجا من الناحية اللي فيها المانجا و الا الناحية اللي فيها القشرة

لأ انتى تاخدى بذرة المانجة تحطيها فى بقك وتسدى مناخيرك لمدة 10 دقائق وان شاء الله وشك هيبقى زى الفل وهتدعيلى

ياسلاااااااااااااااااااااام على البرااااااااااااءة و ورد بعد كل ده طبعاً الورد ده هطلعوا على روحي
ماشي يا نادر مش هعمل ماسك المانجا و مش هعمل ماسك الملوخية و شوفوا مين بقى في المنتدى عنده تضحية في سبيل الأخرين و هيعمل الماسكين عشان يقولكوا على النتيجة
تصبح على بكرة

وانتى من اهله

manooo_82 كتب:

بجد معلومه حلوة جدا ده انا برمى القشر بالمانجا اصلا هههههههههههههه
تسلم ايدك يا مينا

Pure Snow كتب:

مينــــــــــــــا $ أحط قشر المانجا من الناحية اللي فيها المانجا و الا الناحية اللي فيها القشرة

اللى فيها المانجا طبعا على فكرة ماسك حلو انا خليتهم يجربوه فى البيت بالعافية و عجبهم

انا كمان جربته وطلع حلو اوى تسلم يا مينا بس عايزة اعرف انت جبت المعلومات دى منيين

rose_elmansoura كتب:

انا كمان جربته وطلع حلو اوى تسلم يا مينا بس عايزة اعرف انت جبت المعلومات دى منيين

هههههههه اكيد طبعا من الفكهانى اللى جنب بيتهم