نداء عاجل لسـآرة و اللي يعرف ماسك الجيلاتين

السلام عليكم و رحمة الله و بركاته

أولاً إزيك يا سـآرة وحشتيني يارب تكوني بكل خير
ثانياً أنا عندي سؤال سواء لسارة أو لو حد عارف لغاية متشوف سارة الموضوع ... أنا أختي الصغيرة عندها 16سنة و بشرتها دهنية و عندها رؤوس سودا و زهأتني في عيشتي زي مكتبتلكوا قبل كدة و روحنا اليومين دول لدكتورة كبيرة عقدتنا في حياتنا و قالتلها إنها مش بتتعالج و ملهاش حل بالرغم من إنها إستشارية و أنا مكنتش عايزة ألعب في وشها عشان صغيرة و مش بخليها تستخدم غير مجموعة بيور سكين بس المشكلة دلؤتي إن الرؤوس السودا لازم تتشال عشان متنترش على باقي وشها و سارة كتبت قبل كدة إنها مش بتتشال إلا بملقاط الرؤوس السودا و أنا هخاف أعملهالها أو بتنظيف في بيوتي سنتر ودا صعب اليومين دول لأن أقرب مركز محترم بعيد جداً عني و لازم حجز و كل القريبين أنا مش واثقة فيهم لإني مجربتش التنظيف عندهم و أخاف يبوظوا وشها و ثالث حاجة قالتها ماسك الجيلاتين و هي شكرت فيه فأنا عايزة أعرف بيتعمل إزاي لإني مش فكره
و ياترى هو أحسن لو حد تاني جربه و الا الشرائح اللي بتتحط على الأنف و تتشال فتشيل الرؤوس السودا معاها ؟
ياريت اللي يعرف يرد عليه بسرعة لأن وشها متبهدل اليومين دول و أنا خايفة يزيد

انا كمان عايزة اشيل الرؤس الى عندى بس مش عند بيوتى سنتر عشان سمعت انها بتعلم مكانها وخفت بصراحة اعمل ايه ؟؟؟؟؟؟؟؟

الشرايط مش بتجيب نتيجه غير مع الحاله الخفيفه

طيب يا بيور الدكتورة مكتبتلهاش على حاجه تقلل طيب؟؟
قفلتكوا وعقدتكم وخلاص

انا من راى تروحوا لدكتورة تانيه بدل المعقده دى

انا عملت ماسك الجيلاتين ده مره كان يوم مالهوش ملامح
بيلزق في الوش لزقه سوووووده
وانا عندي الروؤس في المناخير وحواليها كده شويه
عملته وسبته لحد مانشف
وجيت بقي اشيله وعينك ماتشوف الا النور
شعر وشي والجلد كان بيطلع معاه وانا اصوت
وماما وبابا كانوا بيحاولوا يقشروه من وشي وبعد عذاب اتشال
وفضل مكان الاماسك عند الانف وحواليه ملتهب جدا واحمر زي الدم زي مايكون محروق
قعد كده 3 ايام مكنتش حتي مستحمله اغسل وشي

انا عملت عن طريق ان انا جبت شويه جيلاتين دوبتهم في معلقة لبن دافي ودهنتهم

مونمن .. أختي كمان لما بتلعب فيهم بتعمل حفر و عشان كدة قلت أسألكم الأول
روز عاملة إية النهاردة يارب تكوني أحسن و ألف مبروك لأختك .. الدكتورة للاسف عايزة تعمل شغل و قالتلها على تقشير كيميائي و طبعاً أنا رفضت لأنها لسة صغيرة و كتبتلها روشتة تقريباً بـ 500 جنية طبعاً مشتريتهاش لأن العزبي قالولي أن اللي مكتوب عشان يحمي من ظهور البثور السودا مش عشان يشيلهم .. أنا بفكر فعلاً نروح لدكتور تاني بس هي عندها دروس بصفة مستمرة و بيكون دا صعب
ساندي إنتي خوفتيني دا أنا قولت أن الماسك دا هو اللي هيطلعني من الأزمة الدبلوماسية دي في ناس فعلاً كاتبين أنهم بيعملوا ماسك الجيلاتين زي ما أنتي عملتيه بس أنا فاكره أن سارة كان عندها طريقة تانية و كانت بتحط تقريباً بيض بس مش فاكره الباقي .. بس لو الموضوع صعب كدة أكيد بشرتها مش هتستحمله و أكيد مش هعملهولها أحسن وشها يتبهدل زيادة ... ميرسي يا قمر و متعمليش كدة تاني
شكراً ليكم كلكم ربنا يباركلي فيكم

بصى يابيور الدكتور هيقولك تروح تشيله فى بيوتى سنتر هو دة الحل بس انا عرفت انه سعات لما بيتشال بيعمل حفر مكانه ودة خوفنى ومرضيتش اروح اعمله
انا شلتهم مرة بالسويت اتشال حوالى 50 % من البثور الى كانت عندى وبيض مكانها خالص بس مرضيتش اعملها تانى بيها ومحتارة ومش عارفة اعمل ايه

Pure Snow كتب:

مونمن .. أختي كمان لما بتلعب فيهم بتعمل حفر و عشان كدة قلت أسألكم الأول
روز عاملة إية النهاردة يارب تكوني أحسن و ألف مبروك لأختك .. الدكتورة للاسف عايزة تعمل شغل و قالتلها على تقشير كيميائي و طبعاً أنا رفضت لأنها لسة صغيرة و كتبتلها روشتة تقريباً بـ 500 جنية طبعاً مشتريتهاش لأن العزبي قالولي أن اللي مكتوب عشان يحمي من ظهور البثور السودا مش عشان يشيلهم .. أنا بفكر فعلاً نروح لدكتور تاني بس هي عندها دروس بصفة مستمرة و بيكون دا صعب
ساندي إنتي خوفتيني دا أنا قولت أن الماسك دا هو اللي هيطلعني من الأزمة الدبلوماسية دي في ناس فعلاً كاتبين أنهم بيعملوا ماسك الجيلاتين زي ما أنتي عملتيه بس أنا فاكره أن سارة كان عندها طريقة تانية و كانت بتحط تقريباً بيض بس مش فاكره الباقي .. بس لو الموضوع صعب كدة أكيد بشرتها مش هتستحمله و أكيد مش هعملهولها أحسن وشها يتبهدل زيادة ... ميرسي يا قمر و متعمليش كدة تاني
شكراً ليكم كلكم ربنا يباركلي فيكم

الحمد لله يا بيور بس الجرح بيالم شويه على اخر الليل

مرسى يا حبيبتى على سوالك

بصى ارحيلك خليها تركز فى مزاكرتها دلوقتى لحد ماتيجى الاجازة واكشفى عند دكتور تانى احسن دة راى

بيور يا قمر ربنا يخليكي ليا يا رب انا الحمد لله تمام و انتي كمان وحشتيني يا قمر معلش عندي ظروف اقوى مني
بصي يا قمر الاستشارية ده متوثقيش فيها مين قال ان الرؤوس السوداء ملهاش حل ده حتى اخطر الامراض ربنا يعافينا يا رب ليهم علاج
الماسك ممكن تعمله كل اسبوع او كل ما تشوف ان فيه رؤوس طلعت
بوصي على الموضوع ده هو مثله تماما زي ما بعمله
http://www.shamoa.com/vb/showthread.php?t=46820
اسفة على نقل الرابط لكن لكي تعم الفائدة
لكن لو بشرتها حساسة اوي زيي متعملهوش كل اسبوع تخليه كل شهر
و قبل ما تعمله تنظف بشرتها بغسول
و لازم تونر ضد تكون الرؤوس السوداء زي بتاع بيور سكن
و الابرة للي بتشيل الرؤوس موجودة و ثمنها رخيص لكن لازم حمام بخار قبلها او تاخد فوطة سخنة و تحطها على وشها عشان تنفتح المسام و تشيلها بسهولة عشان مش تطلعلها حباية مكان الرؤوس
و اصبري حبتين افيق من الصدمة و هروح ان شاء الله لاخصائية جلدية هسألها على حكاية الرؤوس ده و ان شاء الله لما تقولي هكتب موضوع مخصوص عشانك
و الشرائح كمان حلوة فيه بتاع نيفيا و بتاع بيوريه الاثنين حلوين و بتاع نيفيا فيه شرائح للانف و شرائح للذقن و الجبهة

اقتباس :

انا عملت ماسك الجيلاتين ده مره كان يوم مالهوش ملامح
بيلزق في الوش لزقه سوووووده
وانا عندي الروؤس في المناخير وحواليها كده شويه
عملته وسبته لحد مانشف
وجيت بقي اشيله وعينك ماتشوف الا النور
شعر وشي والجلد كان بيطلع معاه وانا اصوت
وماما وبابا كانوا بيحاولوا يقشروه من وشي وبعد عذاب اتشال
وفضل مكان الاماسك عند الانف وحواليه ملتهب جدا واحمر زي الدم زي مايكون محروق
قعد كده 3 ايام مكنتش حتي مستحمله اغسل وشي

انا عملت عن طريق ان انا جبت شويه جيلاتين دوبتهم في معلقة لبن دافي ودهنتهم

الف سلامه يا ساندى هههههههههههههههههههههههههههههههههههههههههههههههههههه والله ضحكتينى بعد ما كنت زعلانه



بيورما تسمعيش كلام دكاتره الجلديه عاوزين يكسبو وخلاص انا اخويا برضه بشرته حساسه اوى وبيطلع له نمش كتير ف وشه راح لدكتوره جلديه دخلته ف موال جلسه كل اسبوع ب 100 ج مره حقن ف كل وشه ومره تقشير وساعتها كان عنده 17 سنه برضه وكان بيجى م الجلسه وشه متبهدل وكتبت له علاج كله تبع بيو ديرما ب اكتر من 600 ج والاخر مجرد م اتعرض للشمس وهو رايح للكليه رجع تانى بس الايفن اوت الحمد لله كويس وبدا يجيب نتيجه


وهو كمان عنده رئووس سودا في ماسك نازل جديد متخصص للرؤوس السودا تبع بيور سكن في كتالوج شهر 3 هجيبهوله واللى عنده دلوقتى طلعت بالبخار او بمعنى اصح بنسبه عاليه جدا وربنا يطمنك على اختك يا قمر

ساندي هههههههههه احتمال عملتي الجيلاتين بتاع الحلويات و ده غلط اوي انه يتحط على الوش لازم جيلاتين بودرة و لازم تخففيه بحليب عشان يخفف من سماكته

جيلاتين بودره والله ياساره

روز ... شئ طبيعي أن الجرح يشد و خاصة في الأيام البرد أنا عاملة العملية من 2003 و أحيانا في البرد أو من العصبية لإني عصبية جداً بيشد فمتقلقيش ربنا يطمنا عليكي و يتم شفائك و يجعله طهور إن شاء الله ... أنا والله نفسي تركز فعلاً في مذاكرتها و في الأجازة نشوف الموضوع دا بس من الواضح ان في حد من صحباتها لعب في دماغها و الموضوع مضايقها جداً و مأثر عليها و عشان كدة مضطرة اشوف حل سريع عشان تركز في مذاكرتها

سـآرة ... ربنا يصلح أحوالك و يكون غيابك عشان ظرف خير طمنينا عليكي ... شكراً يا قمر على الرابط ربنا يجازيكي كل خير أنا إحتمال أنزل بكرة سبينس عشان محتاجين حاجات ضروري في الأيام اللي ما يعلم بيها إلا ربنا اللي مش عارفين أخرتها إيه و إذا لقيت الجيلاتين أو اللاصقات هشتريهم و لو أشتريت الجيلاتين هجربه عليه الأول و على إيدها عشان أطمن قبل معمله على وشها ... ربنا يبارك فيكي يا قمر شكراً يا جميل

نونا ... دا نفس الشغل اللي عايزة تعمله عليها .. جلسات تقشير و جلسات تفتيح و جلسات للشعر و هكذا يا بنتي دول مش دكاترة دول بياعين بس اللي يغيظ إنهم إستشاريين كبار ... الماسك اللي نازل كنت فعلاً ناوية اشتريهولها لو صبرت عليه بس للأسف هي مش صابرة خاااااالص ... جيل ما يعلم بيه إلا ربنا والله يا أختي ههههههههه

ساندي ... الحمد لله إن الموضوع جيه على أد كدة يا قمر بس حاولي بعد كدة لما تجربي حاجة جربيها على إيدك الأول عشان تكوني متطمنة و عشان في بشرة حساسة مبتستحملش بعض الحاجات الطبيعية فخللي بالك أنتي غالية علينا

يابنات حد يعرف الماسك الجديد بتاع بيور سكن دة الى للروؤس السودا بيعمل ايه ؟
يعنى بيشلها ولا بيمنع ظهروها انا عايزة اعرف ضرووووووووووووورى عشان بفكر اجيبه
لانى عندى بتاع ايفون ماسك ييرؤوس السودا ومعملش حاجة

ربنا معاكى يابيور انتى واختك

انا اعرف مركز فى مصر الجديده فيه دكاتره جلديه كويسين قوى ومحترمين جدا وانا روحت هناك وعملت ليزر لازاله الشعر ولما عملت الليزر اتشال معاه البثور ...ومش عارفة ينفع اكتب عنوان ورقم تليفون المركز ولا مدام رشا هتزعل ولا ممنوع ولا ايه بظبط

monmon mony كتب:

يابنات حد يعرف الماسك الجديد بتاع بيور سكن دة الى للروؤس السودا بيعمل ايه ؟
يعنى بيشلها ولا بيمنع ظهروها انا عايزة اعرف ضرووووووووووووورى عشان بفكر اجيبه
لانى عندى بتاع ايفون ماسك ييرؤوس السودا ومعملش حاجة

انا كمان استخدمت بتاع ايفون ومعملش حاجه واستخدمت ماسك بيور سكين لما كان نازل كيس سكرب والتانى ماسك هو حلو بس انا حسه ان لما بعمل الماسك الروز بحس ان وشى نقى وان البثور قلت مع العلم ان بشرتى مركبه

ميرسى ياجميل انا هجيب الماسك الروز دة الشهر دة ان شاءا لله عشان كله شكر فيه