الصابون المغربي؟؟؟

أية يا جماعة مفيش لا حس و لا خبر كدة ليه هو مفيش حد عمل حمام مغربي قبل كدة و أنا الوحيدة اللي عايزة تعمله إنتوا قلقتوني هو وحش للدرجة دي

انا معملتهوش قبل كده بس فى ناس بتشكر فيه قوى وانا نفسى اعمله بس بدل الغلبه اللى انتى فيها دى اعمليه فى مركز تجميل احسن

انا بعمله يابيور
بس لسه حايه من الغسيل دلوقتي
شويه كده وهدخل اقولك ازاي

انا اللي اعرفة ان كل حاجه مغربي بتبقي غامقة والله اعلم وياريت يا ساندي بعد ماتهدي وتستريحي تقوليلنا
عاملة ايه واخبارك واخبار العملية بتاعتك اولا
وبعدين توصفيلنا بتجيبي حاجة الحمام منين يعني من عطار وهايبر ولا ايه
وبيتعمل ازاي

ساندي حبيبتي عاملة إيه طمنيني عليكي .. أخبار صحتك إيه و التحاليل و ميعاد العملية وصلتي فيها لحاجة و الا لأ ... و الله لو أقدر أعملك أي حاجة كنت أعملهالك بعيوني بس مش قادرة غير إني أدعيلك و يااااااارب ربنا يستجيب مني و من الجميع و يتم شفائك بسرعة و على خير و ترجع صحتك بأحسن من الأول
أما بالنسبة لموضوع الصابون دا فمش مشكلة دلؤتي خاااالص المهم تطمنينا عليكي و إذا قدرتي في أي وقت و كنتي كويسة و حاسة إنك تقدري تكتبيلنا ربنا يجازيكي خير لكن دلؤتي طمنينا عليك بس دا الأهم

د وردة منورة يا قمر ... أنا اللي أعرفه أنه حلو أوي و بيشيل الجلد الميت كله و بينور الجسم و بينعمه لكن أنا كمان معنديش خلفية عن لون الصابون أو صحة الطريقة اللي كتبتها

دينا الحاجات ممكن تشتريها من أماكن كتير لكن المشكلة في الثقة ... كل العطارين عندهم الصابون المغربي و الطمي و الدلكة و كمان بتكون موجودة في بعض المحلات و المراكز لكن المشكلة في إنك تثقي في جودة الحاجات دي لإن حسب معلوماتي إنها بتتغش و عشان كدة بتلاقي تفاوت كبير جداااااً في الأسعار و اللي أعرفه أن أحسن ناس أساتذة في الكلام دا بتوع حمام التلات و زميلتي اللي عملت قبل كدة كانت ساكنة قريب من هناك عشان كدة كانت أستاذة بس للأسف أنا مش عارفة اوصلها لإن تليفوني اتسرق و الأرقام ضاعت

احنا معندناش حمام تلات ولا اربع في اسكندرية لكن عندنا هايبرات كتير
قتح الله
كارفور
مترو
عشان كده قلت اعرف المعالم بتاعه السوق عشان مرة وصفولنا عطار مشهور قوي والناس بتسافرلة وروحنا المشية ومشينا في حتت عجيبة وبلاد تشيلنا وبلاد تحطنا وفي الآخر !!!!!!!!!!!!!!!!!!!!!!!!!!!!!!!!طلع بيبيع منتجات اصالة!!!!!!!!!!!!!!

انا كمان عاوزة اعرف الطريقة
وايه المنتجات المطلوبة

ازيكو يا حبايبي وحشتوني
انا دخلت مخصوص علشانك يا ساندي يا قمر ههههه
بصي هو الحمام المغربي حلو بس متكثريش مرة في الشهر كده حلو عشان بيسمر الجسم و ده عن تجربة
خصوصا الليفة السنفرة احسن منها
وده كلام المغاربة برده مش كلامي انا بس
جارتي قالتلي ان الدكتورة نصحتها انها متستعملش الليفة و تستعمر سكرب للجسم بدالها
المهم لو كنتو قريبين مني كنت جبتلكو الصابون المغربي و الغسول للي هو الطمي ببلاش
اوعدكو لما اجي لمصر اجيب لكل وحدة فيكو برطمان ههههههه اصل هنا رخيص اوي اوي و بعض التاجرات ربنا يهديهم بيبيعوه اكنهم بيبيعو ذهب مش صابون
هو مالوش فايدة غير انه بيشيل الجلد الميت بعدها بتدعكي جسمك بالليفة بتطلع هوايل
بعدها بتحطي الطمي للي بتكوني بللتيه بالمية فيه طمي عادي علبته خضرا ثمنه هنا 4 جنيه و نص
و فيه بتاع الاعشاب و ده حلو اوي للشعر الدهني و للجسم كمان
اما غسول الزوين بتاع الوش ده مش بنصحكو بيه محدش بيستعمله هنا بيكون فيه مادة ضارة بتعمل بقع في الوش
عموما متستعمليه اي حاجة من دول على وشك خصوصا لو البشرة حساسة
و ضروري جدا بعد كل ده ترطبي جسمك انا برطبه بجونسون بيبي اويل لما بعمل حمام مغربي
و بحط بعده لوشن
و بفكر اشتري كريم بارادايس عشان يعطي ريحة حلوة في الربيع ده

فعلا يا بيور مشكلة كارفور انه غالبا بيكون خارج المحافظة انا عارفة كارفور القاهره فين بنشوفه قبل ما بندخل القاهرة اصلا

بيسمر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يبقي قلته احسن
لالالالالالالالالالالالالالا ما الأسكرب ومعاها ليفة حلوة كده وعفيه بتشيل بلاوي برضه
لالالالالالالالالالالالالالالالا قلته احسن
جزاكي الله كل خير يا سارة
انا كنت مرة جبت طمي مغربي من مينا مول عندنا في اسكندرية
كان عامل زي الطينه بالظبط مش ناقصة غير لون احمر ويبقي طوب احمر وحطيته على جسمي شويةه بعد السويت واستحميت بعدها حسيت بهرش جبار مراحش غير لما استعملت كريم مرطب بعدها كانت ليلة بعدها حرمت يا بابا هو الأسكرب وخلالالالالالالالالالالالالاص

ايه الليفة السنفرة دي ؟؟؟؟
غير الليفة العادية

انا بستعمل الصنفرة على ليقه عادية!!!!!!!!!!!!!!!!!!

ايه هي الدلكة ؟؟؟؟؟

حاجة كده بيتعمل بيها ماسك تقريبا

وبنشتريها من العطار برده ؟؟؟؟
علي فكرة في علب صابون مغربي وطمي في الصيدليات زي الطرشوبي والعزبي
بس الصراحة ماجربتهاش
حد جربها ؟؟؟؟

انا مجربتش غير الطمي اللي حكيت عنه بس ده كان مش مضروب ده مضروب بال................................تيييييييييييييييييت
اسراء كانت سالت عليها قبل كده وتقريبا كانت جايباها من عطار

انتى بتستعملى اسكرب جسم ايه يادينا ؟؟؟؟؟؟؟؟؟

بستعمل حاجة تبع افون اسمها سبا بزيت الزيتون بس ماعدتش بتنزل دلوقتي وكنت بستعمل قبلها سكرب السكر بتاعه ميلك اند هاني الأتنين جمال بس الميلك اند هاني اخشن شوية

ميرسى يادودون
بصى بعتلك اضافة ع الفيس

بتستخدمي اسكرب الجسم ازاي ؟؟؟؟

سكرب الجسم يا جيجي بتسخدم على اللوفة بتاخدي جزء او كام نقطة على اللوفة بترغيهم وبتدلكي جسمك بيهم وبتشيل الجلد الميت وكل ما حكيتي اكتر كل ما النتيجه تكون احسن


شكرا يا ايمان جاري التنفيذ انا اصلي مبفهمش حاجة في البتاع ده

ماشى يادودو

يادودو انا بعتلك اضافة كتييييييييييير على الفيس وانتى لسه مقبلتيش

جربو يابنات تعملو اسكرب ده:
سكر وزيت زيتون
او
سكر وزيت زيتون وملح اليوكو وتعملو بيه الجسم كله حتى المناطق الحساسة بس اعملوا حركات دائريه برااااااااااااااااااااااااحه وبلاش الوش علشان بيكون حامى عليه وان شاء الله النتيجه روووووووووووووووووووووعة

ايه ملح اليوكو ده ؟؟؟؟
وده احسن من الحمام المغربي