محتااااااسة جدا ساعدوني

السلام عليكم ورحمة الله وبركاته
انا فرح اختى بعد اسبوعين
هى مش عاملة فرح هو كتب كتاب فى قاعة مناسبات فى مسجد وبعدين هنخرج
المهم انا محتاسة جدا ومش عارفة البس ايه
اصحابى كلهم بيقولوا لازم البس فستان عشان انا اخت العروسة
قلت البس فستان سيمبل خالص مافيهوش بربرق كتير بس مش لقيت
المحلات كلهم فكرتهم عن السواريه انه بربرق بس
ومش عارفه حتى اجيب مثلا بلوزة سواريه على جيبة عشان انا جسمى رفيع ومش بلاقى جيبات مقاسى وتكون حلوة عليا
وانا دلوقتى مش عارفه اعمل حاجة
ساعدونى بقه

في فساتين اسمها فساتين كوكتيل دي مش بيبأه فيها طتريز تقريبا و بتبأه شيفون سادة او مشجر او جيرسيه الفساتين دي اللي بتليق علي المناسبات اللي زي دي خطوبة في بيت او كتب كتاب

لو مش حابة فكرة الفساتين ممكن تجيبي بلوزة شيك ستان مثلا و تحطي فيها بروش كبير مع جينس و كعب عالي

طيب ماتعرفيش يا سومه الفساتين الكوكتيل دى الاقيها فين
لو فى اماكن معينه او اسماء محلات ياريت تقوليلى عليها

بتلاقيها يا جميل في محلات الكاجوال عادي مش محلات السواريهات

انتي بتسألي علي الدريسات و في منها قصير او طويل زي ما تحبي؟

انتي منين طيب ممكن اقولك علي اسماء محلات ؟ انا من المنصورة

لا ياقمر انا من القاهرة
ميرسي ليكى اوي لو تعرفى اسماء محلات هنا قوليلى وانا اروح