كريم اكولاجين للعين

السلام عليكم..يارب يكون الجميع بخير
كان عندى استفسار عن كريم العين اكولاجين بالنسبه للسن هو مكتوب فى البرموشن انه ل 35 سنه عايزه اعرف لو حد استخدمه اصغر شويه ممكن يعمل مشاكل ولا عادى
وجزاكم الله خيرا

يا بنات بلييييز مفيش حد يقدر يفيدنى ويبقى كتر خيره

لو سنك فوق ال 30 ينفع معاكي وما يعملش مشاكل

مع كامل احترامي لرأي أستاذ عصام أنا مقترحش ان حد أصغر من السن المكتوب يستخدم المنتج لأن دا هايكون إجهاد على البشرة خاصة لو فرق السن كبير بين المكتوب و بين سن المستخدم

شكرا علي ردك الجميل the cave وفعلا يفضل استخدام المنتجات حسب السن ، ولكن فيه بعض الحالات بتكون فيها البشرة اكبر من سنها بسبب عوامل الجو والتلوث واسلوب العناية بالبشرة وطريقة الغذاء والصحة عموما بتختلف بيها سن البشرة وممكن في الحالة دي بس اذا كانت البشرة اكبر من سنها اننا نستخدم المنتج المناسب لسن البشرة دي ، بمعني ان لو سن الشخص اقل من سن استخدام المنتج ب 5 سنين مش اكتر والبشرة محتاجة المنتج ده مافيش مانع من استخدامه.

رشا محمد كتب:: شكرا علي ردك الجميل the cave وفعلا يفضل استخدام المنتجات حسب السن ، ولكن فيه بعض الحالات بتكون فيها البشرة اكبر من سنها بسبب عوامل الجو والتلوث واسلوب العناية بالبشرة وطريقة الغذاء والصحة عموما بتختلف بيها سن البشرة وممكن في الحالة دي بس اذا كانت البشرة اكبر من سنها اننا نستخدم المنتج المناسب لسن البشرة دي ، بمعني ان لو سن الشخص اقل من سن استخدام المنتج ب 5 سنين مش اكتر والبشرة محتاجة المنتج ده مافيش مانع من استخدامه.

تسلم ايديك يا مدام رشا .. أنا فعلاً مع كل كلمة قولتيها ... فعلاً ممكن لو البشرة تعبانة تاخد كريم أكبر من السن بقليل لكن دا طبعاً لو البشرة فعلاً مجهدة و أنا بصراحة مش بحب أكتب دا لأن نادر جداً إنك تلاقي واحدة راضية عن بشرتها و كلنا بنحس بأن بشرتنا مجهدة و صفرة و ما إلى ذلك فبخاف الناس تصدق و تاخد الجملة و تطبقها على الفاضي و المليان حتى لو البشرة مش محتاجة و يكون تأثيرة سلبي
أنا سعيدة جداً بوجودك النهاردة في المنتدى بصراحة إحنا بنفتقد وجودك جداً ... طبعاً أستاذ عصام ربنا يبارك له مش مقصر ابداً بس دا مايمنعش إننا بنحتاج وجودك و أكيد بنكون مبسوطين من مرورك على المنتدى Embarassed

مع خالص تحياتي لكما

ربنا ما يحرمناش من وجودك انتي كمان يا عسل ... ودايما بستأنس بيكي لما بتكوني موجودة في المنتدي وبتردي علي الناس علي طول ... وكلامك صح مية المية لان فعلا الناس ممكن تستسهل وتبقي شايفة بشرتها تعبانة ومجهدة وعايزاها تبقي دايما افضل فتبدأ تستعمل وتجرب منتجات كتير فتضر بشرتها بدل ما تنفعها اكتر

وان شاء الله في دورة العناية بالبشرة اللي هتبدأ قريب هنتكلم كتير قوي علي كل شيء بالتفصيل
ويارب دايما اكون عند حسن ظنكم بيا

رشا محمد كتب:: ربنا ما يحرمناش من وجودك انتي كمان يا عسل ... ودايما بستأنس بيكي لما بتكوني موجودة في المنتدي وبتردي علي الناس علي طول ... وكلامك صح مية المية لان فعلا الناس ممكن تستسهل وتبقي شايفة بشرتها تعبانة ومجهدة وعايزاها تبقي دايما افضل فتبدأ تستعمل وتجرب منتجات كتير فتضر بشرتها بدل ما تنفعها اكتر

وان شاء الله في دورة العناية بالبشرة اللي هتبدأ قريب هنتكلم كتير قوي علي كل شيء بالتفصيل
ويارب دايما اكون عند حسن ظنكم بيا

ربنا يبارك فيكي و تفرحي بأولادك و أكيد هنستنى الدورة على أحر من الجمر ربنا يبارك فيكم

[جزاكم الله خيرا جميعا على ردودكم الجميله والف شكر لاهتمامكم Razz